1-هدا واحد لمكلخ كان لابس نضاضر هو يسولو واحد الراجل قال ليه واش هاد نضاضر ديال شمس هو يجاوبو قاليه لا رهم دياولي.
2 - واحد مشا عند شوافة(العرافة) قا ل ليها بغيت تشوفي ليا واش نقدر نعيش 40 عام.. قالت ليه واش كتكمي..(هل تدخن)قال لا..واش كتشرب... لا... واش كتبع دريات(البنات)... لا... قالت وعلاش بغي تعيش 40 عام .
3- استاذ ديما كيسول دراري ..باش تعشيتو..واحد دري ديما كيجاوبو بالحريرة .. واحد نهار قال ليه الا قلتي حريرة مرا خرا نعصي والديك... دري قالها لباه.. باه قال ليه مني يسولك رد عليه بالدجاج... الغد استاد سول الدري.. الدري قال ليه بالدجاج... سولو شحال من واحدة.. قال ليه جوج زلافات
4- دري بغا يمشي من طنجة عايم حتى إسبانيا حيت المسافة بينتهم غير 14 كلم... ضرب 7 كلم...عيا هوا يرجع
5- سقرام (بخيل) شرا خبرة..شفرها ليه شمكار(مشرد) تبعو... مني شافو مشا عليه.. قال ليه سير صدقة ورحمة الوالدين
6- استاد بغا يدير فرض لدراري على غفلة..قال ليهم عندكم غدا فرض على غفلة
7- واحد قال لمو بغيت نتزوج بوحدة بيضاء وطويلة وخدامة.. قالت خد لك حسن ثلاجة
8- تاجرسقرام حاط فالمحل قدام لاكيس مرايا...باش مني يهز لفلوس يتأكد انو هو مشي واحد أخر
9- جوج كيتكيفو قدام مرايا.. واحد قال لصاحبو شوف وحدين مقابلين معانا .. صاحبو
ناض وقال ليه انا هنسولهم....قال ليه غير رجع هواحد منهم جاي عندنا.
10- واحد قال لصديقتو الى كتبغيني قوليها...قالتلو..ها
11- واحد تصور بين 2 حمير أو سيفطها لصديقتو و كتب تحتهاْْْْ ملاحظة أنا الموجود في الوسط
12- واحد معلم فواحد القسم ديال الكسالى رسم لهم ضفدعة حداها رقم 1 ..كل واحد كيف تكون
اجابتو"ظفدعة و1ٍٍ" ."1+ضفدعة"...في ألأخير ناض واحد الكسول اجاوب و قال :ضفدعتعشر
13- وحدة كانت مع صاحبها ..وفجأة بان باها..قالت ويلي ويلي بابا..قالها ..ماتخافيش قوليلو أنا خوك
14- واحد بغا يكتب ميساج فاللبورطابل عطاه لصاحبو قالو كتب أنا خطي قبيح
15- واحد الدري سول باه قالو شنو كادير ابا ، قالو كانكتب رسالة لعمر ، قالو : واش كتعرف تكتب بعدا ؟
أوهو يقولو إو واش عمر كيعرف يقرا.؟هههه
16- قال لك هذه امرأة ميريكانية..و فرنسية و مغربية..سولوهم على الحاجة اللي شرطوا على الراجل و حققها..
-الميريكانية قالت: أنا النهار الأول قلت له ماكنعرف نطيب..التهار الثاني ماشفت والو..النهار الثالث جاب طباخة..
-الفرنسية قالت: أنا النهار الأوول قلت له ما كنعرف نصبن..النهار الثاني ماشفت والو..النهار الثالث جاب مكينة د الصابون..
-المغربية قالت: أنا النهار الأول قلت ما كتعرف نطيب و لا نصبن..النهار الثاني ما شفت والو..النهار الثالث..وليت كنشوف شويا بالعين اليمنية......
17-وحدين كيسكرو فالمقبرة.. وقفات عليهم كرواتيا كلشي هرب.. واحد بقا.. سولوه اش كدي المسخوط.. قال ..انا غير ميت حرجت نمشي لتواليت.....................
موضوع: نكت 2009 
الإثنين فبراير 02, 2009 10:35 am