آسف

نقاط : 198520 تاريخ التسجيل : 31/12/1969

آسف اني في حبي لـكـ تسرعـت

ظنيت الاقـي فيـكـ شـيٍ فقدتـه

كنت احسبكـ مجروح مثلي تولعـت

جربت فرقى شخص قلبـكـ وهبتـه

كنت احسبكـ من مر جرحكـ تجرعت

حبيت فيكـ احساس طفـلٍ لمحتـه

لوقلت آآآهـ بوسط روحي توجعـت

ولو شفت دمعاتكـ شعوري سكبتـه

ولو تطلب اعيوني ابد ما تمنعـت

واعطيكـ قلبي لو بعد مـا طلبتـه

وصلت بكـ..... اعلى مكان وتربعت

وفي قلب غيري ياالغلا ماوصلته

واصبر على صدكـ واشوفكـ تدلعـت

واعطيكـ ود ومـا اظنـكـ حسبتـه

اذهلتني بطباعكـ اللـي ...تطبعـت

حتى قصيدي فيكـ ابد مـا فهمتـه

لو كان غاياتكـ حروفي فانا بعـت

وافرح بجرح الشاعر الي جرحتـه

وأرجوكـ من صدكـ تراني تشبعـت

خلكـ مع اللي عاجبـكـ او عجبتـه

يكفي قهر في جيتي لكـ تواضعـت

تركت غيركـ لجـل عينـكـ وبعتـه

ياليتني عـن حـب مثلكـ..ترفعـت

ياليت قلبي قبـل اعرفـكـ دفنتـه

لكن اببعد دامني بـكـ توهقـت

الله يرحـمـ حبنـا اللـي ذبحـتـه

انا شريت الود والحين انـا بعـت

وانا عطيتكـ قلبـي اللـي قهرتـه

في يومـ جيتكـ اطلبـكـ ود و اقنعـت

نفسي بانكـ شخص عادي عرفته

كمل حياتكـ مثل مـا انـا توقعـت

تبقى اسير الماضي الـي فرضتـه

ولا يحزنكـ اني غلطان وتراجعـت

حولكـ بدالي ألف شخـصٍ عجبتـه

اما انا لا يمكن اخضـع ولا طعـت

يحرمـ علي اعطيـكـ قلـبٍ خذلتـه

باريّحكـ من شوفتي يـومـ قاطعـت

اسلوبكـ اللي بـه تجامـل كرهتـه

غلطان يا المقفي انا مـا تتبعـت

غيري يتابع خطوتـي مـا تبعتـه

ما ينحني راسي لو انـي تقطعـت

وما هو انا من لا رميتـه لقطتـه

وان كان غركـ حكي عذالي وطعـت

الله يعلـمـ كيـف قلبـي سكنـتـه

اللي ملا قلبـكـ علـي وتسمعـت

خله يعوض شخص مثلي خسرتـه

انـا بمـا فيـة الكفايـة تولعـت

واللي بقى من قلب فينـي حرقتـه

باول لقا سلمته احساسي وضعـت

غلطت حياتي يـومـ قلبـي سلبتـه

واستسمحكـ فالبعد كاني تراجعت

ما عاد ابلقـى فيـكـ شـي فقدتـه

طبعكـ مثل غيركـ وطبعي كما كنـت

احب شخـص ولا تركته...تركتـه!!!

وان شفتني صدفة بعينك تطلعـت

ذكرتني با نسـان غالـي فقدتـه