دمع الخيانه

نقاط : 198520 تاريخ التسجيل : 31/12/1969

امسحي دمـــع الخــــيانه عن عــــيونك

حيث خافيك انكشف والســــر بان

وارحــــلي دام الخــــلايق يجـهلونــــك

واستري فعـــل النوازيل الشــــيان

واقصدي قبر وظــــلامه يســــترونــك

واتركي جرحي يشــافـيه الزمــــان

واستــعدي للعــــنا والضــــيم هونــــك

وابشـــري بالذل وانواع الهــــوان

يــــوم خنتــــي قلب مايقــــدر يخونــك

والغدر ماضــيك والتـكذيب كـــــان

واستهنتي من على الشــــدات عــــونك

واشبقى للحب من ســـور وكيان?

حيث كنت احياك واهجع في ســـكونك

واحتسب ساعات قـربي لك ثـــوان

وافتديك الروح واحمــــيك واصـــونك

واعشقك واغليك مطــــلوق العنان

لين صار العـيش مايســــوى بدونــــك

والهنا من دون وجــــدك مسـتهان

وكنت اظن إني حويت اعلى غصونك

ماهقيت انـي ضــــحية حـب فـــــان

ومادريت ان الغـــدر أضحى فنــــونك

واختصاصك منـزل وقدر ومـــــكان

ومادريت ان الخــيانه هي حصــــونك

تلتـجي فيـها متى مالوقــــت حــان

للأسف خابــــت نواياك وظـــــــنونك

يوم خنتي من وفـى لاجلك وصــان

حيث لا تنـــفع بواكيــــك وشــــجونك

والغدر فيك اسـتزاد ومـنك شـــــان